Халқымыздың аяулы перзенті, аса ірі мемлекет қайраткері, үш мәрте социалистік Еңбек Ері Дінмұхаммед Ахметұлы Қонаев 1992 жылы шыққан "Өтті дәурен осылай" деп аталатын естелік-эссесін көзі тірісінде түгелдей қайта қарап, оқырман талап-тілегіне сай толықтырулар жасай келіп, кітаптың атын "Ақиқаттан аттауға болмайды" деп өзгертіп еді. Мұнда өз өмірінің беймәлім беттерін ғана емес, өз заманының ірі тұлғалары Сталиннің, Маленковтың, Булганиннің, Хрущевтің, Косыгиннің, Брежневтің, Андроповтың, тіпті Горбачевтің көпшілікке жұмбақ сырларын ашып, Қазақстанның 50 жылдық экономикалық, мәдени және әлеуметтік тыныс-тіршілігін жан-жақты әңгімелеп береді. Кезінде жылы жауып қойған Теміртау,Семей, Арал мәселесін, желтоқсан зардабын, сондай-ақ тілге, дінге, ділге қатысты көкейкесті сұраққа жауабын алға тартады. Ұлттық сана, әдет-ғұрып, салт-дәстүр туралы ой-толғамдарын ортаға салады. Кешегі Кеңес өкіметінің күйреу себебін талдап, экономика дағдарысынан шығу жолдарын ұсынады