Бұл кітапта жалпы түрде рызық мәселесіне оқырмандардың ойында көптен жүрген сұрақтарына жауап болатын ойлар мен діни шындықтар қозғалады. Тақырыпты оқырманға ашып беру үшін қарапайым күнделікті өмірімізде кездесетін мысалдар беріліп, айтылған мәселелерге дәлел болатын аяттар және хадистер келтірілді. Сондай-ақ әдебиетіміздің төрінен орын алған Абай, Шәкәрім, Мәшһүр Жүсіп пен қазақ мақал-мәтілдерінен мысалдар беріліп, толықтырылды. Кітаптың көлемі шағын болғанымен адамзаттың өміріндегі ең өзекті саналатын рызық тақырыбына қатысты оқырманның негізгі және бастапқы сұрақтарын қанағаттандырады. Кітапта қазіргі кезде қоғамда көп айтылып, талқыланып жүрген табыс, ақша, нығмет, адамның өмірдегі мақсұты (миссия), әр кісінің өз орнын табуына қатысты мәселелер де қозғалған. Кітаптың тілі жеңіл және бұрын-соңды айтылып, жазыла қоймаған мағлұматтар қамтылған.