Подробное описание

Халық тағылымы кітабына (сөйлейтін қаламмен бірге) - XI ғасырдың аса көрнекті ақыны, ойшыл-ғалым Жүсіп Баласағұнидың әлемдік мәдениет пен әдебиет тарихына қалдырған асыл әдеби мұрасы - "Құтағду білік" "Құт әкелетін білім"дастаны енгізілді. Дастан қарапайым халықтан бастап, тақта отырған патшаға дейін салауатты, парасатты адам болудың жолдарын үйретеді, ақыл-кеңес береді, үгіт-насихат айтады. Жас ұрпақ дастандағы ұлағатты сөздер мен өсиет-уағыздарды саналарына сіңіріп, ойларына тоқып өседі. Бұл кітапта дастанның филология ғылымдарының докторы, профессор Әбжан Құрышжанұлының ғылыми-поэтикалық тұрғыда аударған нұсқасы берілді.