Осман ибн Аффанның (Аллаһ оған разы болсын) өмір жолы - Ислам тарихындағы нұрлы парақтар. Оның өмір жолынан өнеге алған жан екі өмірде де табысқа жетеді. Бұл еңбек Зуннурайнның ұлы қасиеттері мен істерін баяндауға арналған. Оқырман оған Османның иманы да, білімі де, ой-санасы да, мінез-құлқы да, жүріс-тұрысы да ұлы жан болғанын түсінеді. Оның бұл ұлылықтары Исламды терең түсінуінің,
оны амалға қолдануының, Аллаһпен тығыз байланысының әрі Алла елшісінің жолына шүбәсіз ілесуінің нәтижесінде пайда болған.
Осман (Аллаһ оған разы болсын) - адамдар бұл өмірде тура жолынан және сөздері мен істерінен өнеге алатын имамдардың бірі. Оның өмір тарихы иманның, мұсылмандық дұрыс сезімнің және бұл дінді дұрыс түсінудің ең күшті қайнары санатында.
Кітап білім іздеушілерге, адамдарды Аллаһтың дініне шақырушыларға және мұсылмандар үмбетінің ынталы мүшелеріне арналған.